 |
| Training of Children |
بچوں کے سامنے باوقار رہیں
نونہالان چونکہ اوائل عمری میں سب سے زیادہ اپنے والدین کی حرکات و سکنات کو دیکھ کر پروان چڑھتے ہیں اسی لیے وہ سب سے زیادہ والدین سے ہی سیکھتے ہیں لہذا والدین کا اپنے بچوں کے سامنے باوقار رہنا انتہائی ضروری ہے تاکہ بچے بہت سی روحانی و نفسیاتی بیماریوں سے محفوظ رہیں۔
 |
| Training of Children |
ماہرین نفسیات کے مطابق ایسے والدین جو ہر وقت گھریلو ناچاقی کا شکار رہتے ہیں اور لڑائی جھگڑے کے ذریعے ایک دوسرے کو نیچا دکھانے کی کوشش کرتے ہیں ان کے بچوں میں مندرجہ ذیل قسم کی بیماریاں جنم لیتی ہیں۔
- بچوں کے دل سے والدین کا احترام ختم ہوجاتا ہے۔
- بچے اپنے والدین میں سے والد یا والدہ کا انتخاب کر کے دوسرے سے متنفر ہو جاتے ہیں۔
- بچے ذہنی طور پر شدید نفسیاتی دباؤ کا شکار ہو جاتے ہیں۔
- بچے اعصابی طور پر کمزور اور ڈرپوک ہو جاتے ہیں۔
- بچے اپنے مقدس رشتوں سے مایوس ہو جاتے ہیں۔
- بچوں کے لیے اپنا گھر اذیت کا باعث بن جاتا ہے اور وہ اپنا زیادہ تر وقت باہر گزارتے ہیں۔
- بچے بڑے ہوکر اسی طرز پر زندگی گزارتے ہیں۔
- بچے عموماََ منشیات کے عادی ہو جاتے ہیں۔
- بچے گھر سے تنگ آ کر مختلف اخلاقی بیماریوں میں مبتلا ہوجاتے ہیں۔
 |
| Training of Children |
لہذا تمام والدین سے گزارش ہے کہ خدارا اپنے بچوں کی بہتر نفسیاتی تربیت کے لیے اپنی اذدواجی ناچاقیوں کا اظہار بچوں کے سامنے نہ کیا کریں۔ کیونکہ والدین کا یہ عمل اپنے ہی بچوں کا نفسیاتی قتل کرنے کے مترادف ہے۔
از قلم : پروفیسر شاہد رضا
0 Comments